Xabier Diaz & Adufeiras

Galiziar konpositore eta musikariak hiru hamarkada baino gehiago daramatza Galiziako musika tradizionala arakatzen, eta ibilbide oparoa du: Musika Akademiaren Saria galizierazko abesti onenari (2011), Folk Musika Talde Onena Martin Codax da Musika Sarietan (2013) eta Soinu Banda Onenaren Mestre Mateo Saria Inevitable filmarengatik (2014). Etapa honetan, As Adufeiras de Salitre izango du lagun, perkusioa eta ahotsak ematen dituzten hamaika emakumez osatutako talde indartsua. Elkarrekin The Tambourine Man (2025) albumetik proposamen eszeniko boteretsu bat sortu dute.