Udal Eskolak

Margo Eskolako aurtengo ikasturtean Paisaiaren gaia jorratu da. Ikasleek marrazkiari eta pinturari dagozkion teoria eta teknikak landu dituzte. Hirietako paisaia arkitektonikoetatik, herri txikienetako paisaietara, naturan ere murgiltzeko aukera izan dute. Ikasturteari amaiera emateko, paisaiak berak abstrakziora eraman gaitu. Ikasleek, banaka eta taldeka egindako arte-lan txikiak zein handiak aurkeztuko dituzte.

Aurtengo ikasturtean Zeramika Eskolan buztinaren teoria eta teknika ezberdinak (txurroak, plakak, eskultura..) lantzeaz gain, esmalte desberdinak eta erreketa bereziak ere ezagutu ditugu; erredukzioa, Raku biluzia … Urtero bezala, ikasleek beraien lan pertsonalaz gain talde-lan bat egin dute elkarlanaren balioak sustatuz.

Bi udal-eskoletako ikasle guztiek instalazio bat sortuko dute elkarlanean “natura” gaitzat hartuta. Sorturiko artelan pertsonalak zein instalazioa Portaleko erakusketa aretoan izango dira ikusgai.