LA LOCA HISTORIA DEL SIGLO DE ORO
La Escalera de Tijera y Z Teatro / Extremadura
ZIRKUA / ANTZERKIA
- Antzezleak: Lola Sánchez, Dani Jaén, Roberto Calle, Cristina Zarandieta
- Zuzendaritza: Javier Uriarte
Lan honek Espainiako garai historiko baten errepasoa egiten du, gaur egun ere gaurkotasuna duten funtsezko gai batzuk eszenaratuz, eta gure historiako gertaerak ezagutaraziz, beren argi eta ilunekin; gertaera horiek alderdi garrantzitsuak jorratzen dituzte, hala nola estamentubotereek gure gizartean izan duten papera, zoritxarrean bizirauteko borroka edo artearen balioa.
Hori guztia lengoaia bisual eta estetiko berezi batekin: ia hutsik dagoen espazio bat, non aktoreak elementu urriez eta objektu arruntez osatutako eszenografia sotil batekin jolasten diren. Testu klasikoei keinu-antzerkia, clown-a, zirkoa, umorea eta zuzeneko musika gehitzen zaie, betiere historia zoro honen narrazioaren zerbitzura.
LA LOCA HISTORIA DEL SIGLO DE ORO lanak ia bi mende horietako Espainiako historia marrazten du. Bidaia bat da, non komiko batzuek hainbat pertsonaia eta istorio aurkezten dizkiguten, eta baita gizonen grina ere, boterean, aberastasunean edo eskala sozialean gora egiteko. Oraindik gaurkotasuna duten gaiak ukitzen dira, hala nola gerrak, emakumearen ostrazismoa edo nola biziraun anbizio pertsonala nagusi den gizarte batean.
