Kolapsoa

Jon Ander Urresti, Nerea Ibarzabal, Matxalen de Pedro | Erika Olaizola & Xanti Agirrezabala _ Gipuzkoa

TRAGIKOMEDIA

• Antzezleak: Jon Ander Urresti, Maite Mugerza, Txubio Fernandez de Jauregi
• Zuzendaritza: Matxalen de Pedro, Jon Ander Urresti

Jon Ander Urrestiren Kolapsoa lanak publizitate agentzia batetako hiru kideen ibilerak ditu ardatz. “Edozer saltzeko kapaz dira, den-dena, baita behar ez duzuna ere. Batik bat, behar ez duzuna. Despistatu, eta bi buruko koilara bat salduko dizute azkarrago bazkalduko duzula esanda. Edo ohe birakari bat, gauero estresa zentrifugatuko dizuna. Edozer. Txakurrentzako katiuskak eta arbolentzako aterkiak. Jendea Arabar Errioxan ardo urdina eskatzera iritsi zen hauen kanpaina baten ondotik.

Azken orduko eskaera batek, ordea, hankaz gora jarriko du agentzia. Gauza bakar bat saltzea lortu behar dute: gehiago ez erosteko gogoa”.