Etxerik txikiena

Maialen Díaz | Yarleku teatroa – Debabarreneko XLI eskola arteko antzerki erakusketa

• Antzezleak: Laura Villanueva eta Eva Azpilikueta
• Zuzendaritza: Rosa Díaz
• Egilea: Maialen Díaz

Antzerkiaren ikuspegi plastikoa eta balioen transmisioa uztartzen dituen bere ibilbideari leial, oraingoan haur errefuxiatuek jatorrizko lekutik alde egin ondoren eta haien helmuga zein izango den jakin gabe, bizi duten ziurgabetasuna jorratzen duen ikuskizunarekin datorkigu Yarleku.

Publiko guztientzako obra honek deserrotzea eta pertsonen arteko loturek kalteberatasun-egoeretan duten garrantzia jorratzen ditu. Norbera segurtasun eta lasaitasun sentsazioarekin bizi den tokia baldin bada etxea, zein da horretarako gutxieneko unitatea? Agian besarkada bat izan daiteke etxerik txikiena?